Ola! Chámome Gonzalo López Souto, teño 19 anos e levo dende os 4 tocando o violín, e este será o meu terceiro ano como profesor de violín da escola.
Vouvos contar un pouco da miña traxectoria musical.
Empecei estudando na academia Berenguela tres años, para despois continuar a miña carreira musical no Conservatorio Histórico de Santiago e rematar a
miña formación profesional no Conservatorio Profesional de Santiago de Compostela.
Participei en múltiples orquestras como a Orquestra 430 de Vigo ou a Orquestra Praeludium de Santiago. Ademais son voluntario musical da
asociación ASPAS, e o instrumentista e colaborador da Coral Cruceiro de Montes de Solláns. Por último, traballo como músico de distintos eventos como
bodas, bautizos ou comuñóns.
Para min a música é un mundo que necesita ser coñecido por todas e que todas temos que desfrutar ao máximo. ¿Que mellor forma de facelo que ensaiar violín xuntos? Así, ao mesmo tempo que nos relacionamos entre nós, traballamos a coordinación, o ouvido e aprendemos os fundamentos dun novo instrumento fermosísimo.
¡Espero vervos en clase pronto!
Son Celia Loureiro Novo, teño 26 anos e nacín en Santiago de Compostela.
Comecei moi noviña na música, cando meu pai pensou que cantaba ben e decidiu apuntarme a
clases de piano. Dende os 6 anos, estiven indo a clases no Conservatorio Histórico de Santiago,
onde rematei o Grao Profesional de Piano.
Na miña adolescencia descubrín o moitísimo que me gustaba cantar e comecei a participar en
diferentes coros. Actualmente algúns deles son o coro de cámara “Si vis me canere”, a Coral
Polifónica de Caldas de Reis, o grupo vocal feminino “Cantarelas” ou o coro da Asociación
Xuvenil “Coro Cocó”.
A día de hoxe continuo ca miña formación musical facendo o Grao de Musicoloxía e asistindo
regularmente a clases de piano e canto.
Imparto clases de música dende o ano 2017, tratando sempre de transmitir aos meus alumnos
a miña paixón pola música que nos acompaña sempre nos momentos máis importantes da
nosa vida.
Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.